Ме́сяца сентября́ в 26-й день
Священному́ченика Афана́сия Доку́кина, пресви́тера

Тропа́рь, глас 4:

Досто́инством свяще́нства укра́шен,/ доброде́тельми Христа́ просла́вил еси́,/ гоне́ния же и клевету́ претерпе́в,/ вене́ц му́ченический прия́л еси́/ и хода́тай о нас пред Бо́гом яви́лся еси́./ Его́же моли́, священному́чениче Афана́сие,// спасти́ся душа́м на́шим.

Конда́к, глас 2:

Егда́ безбо́жнии на Це́рковь Ру́сскую воста́ша/ и мно́гия ве́рныя лю́ди сме́рти преда́ша,/ тогда́ и ты, свя́те, страда́ния и му́ки за Христа́ претерпе́л еси́,/ священному́чениче Афана́сие, безсме́ртию тезоимени́те,/ и ве́чныя жи́зни в Бо́зе дости́гл еси́.// Того́ моли́ земли́ на́шей в ве́ре правосла́вней утверди́тися.