Ме́сяца декабря́ в 15-й день
Поставле́ние святи́теля Ио́ны, митрополи́та Моско́вскаго
(Нача́ло автокефа́лии Ру́сския Це́ркве)

Тропа́рь, глас 4:

Днесь све́тло красу́ется сла́внейший град Москва́/ и с ним вся Це́рковь Ру́сская ликовству́ет:/ се бо свяще́нное торжество́/ поставле́ния святи́теля и чудотво́рца Ио́ны,/ в не́мже промышле́ние Бо́жие о нас испо́лнися/ и ве́ра пра́вая утверди́ся// во спасе́ние душ на́ших.

Конда́к, глас 6:

Восхва́лим, ве́рнии,/ святи́теля Ио́ну богому́драго,/ изволе́нием вели́каго кня́зя Васи́лия/ и собо́ром архиере́ев земли́ на́шея/ во главу́ Це́ркве Ру́сския поста́вленнаго,/ его́же ле́тнее воспомина́ние творя́ще,// прославля́ем Бо́жие о нас смотре́ние.

Велича́ние:

Велича́ем тя,/ святи́телю о́тче Ио́но,/ корми́ло Це́ркве Ру́сския восприи́мшаго// и ко спасе́нию му́дре упра́вившаго.