Ме́сяца декабря́ в 31-й день
Священному́ченика Михаи́ла Бере́зина, пресви́тера

Тропа́рь, глас 8:

Я́коже плод кра́сный спаси́тельнаго се́яния Христо́ва,/ благоуго́дная же́ртва Царю́ и Бо́гу показа́лся еси́,/ священному́чениче о́тче Михаи́ле:/ му́жеством бо дре́вним страстоте́рпцем поревнова́в,/ вене́ц равноче́стен от Подвигополо́жника прия́л еси́.// Того́ моли́ спасти́ ду́ши на́ша.

Конда́к, глас 2:

Свети́ло разу́мное прииди́те восхва́лим, ве́рнии,/ в земли́ Мари́йской просия́вшее,/ священному́ченика Михаи́ла:/ ри́зу бо свяще́нства во дни гоне́ний прия́в,/ кровьми́ свои́ми я́ко багряни́цу ца́рскую соде́ла,/ и ны́не со апо́столы Святе́й Тро́ице предстои́т,// моля́ся о всех нас.