Ме́сяца ноября́ в 27-й день
Преподобному́ченика Серафи́ма (Крестья́нинова)

Тропа́рь, глас 2:

Бо́жиим смотре́нием к му́ченическому венцу́ призва́нный,/ испове́дник небоя́зненный ве́ры Христо́вы яви́лся еси́,/ преподобному́чениче Серафи́ме,/ страда́ние же и смерть от безбо́жных претерпе́в,/ ны́не в со́нме новому́чеников Це́ркве Ру́сския ра́дуешися.// Моли́ Ми́лостиваго Бо́га о спасе́нии душ на́ших.

Конда́к, глас 7:

На ка́мени благоче́стия утверди́вся,/ мирску́ю суету́ отве́ргл еси́/ и, пла́менною любо́вию к Бо́гу возгоре́вся,/ во оби́тель преподо́бнаго Се́ргия прише́л еси́,/ во дни же гоне́ний ду́шу за Христа́ положи́в,/ венце́м страда́ния увенча́лся еси́./ Те́мже, преподобному́чениче Серафи́ме,/ моли́ся в Правосла́вии нам утверди́тися// и спасти́ся душа́м на́шим.