Тропарь и кондак священномученику Макарию, епископу Вяземскому

Ме́сяца а́вгуста в 22-й день
Священному́ченика Мака́рия (Гне́вушева),
епи́скопа Вя́земскаго († 1918)

Тропа́рь, глас 5:

Се́ятелю сло́ва Бо́жия,/ священному́чениче Мака́рие достосла́вне,/ во гра́де Ки́еве до́бре потруди́лся еси́,/ и во оби́телех Моско́вских и́ноческому житию́ поревнова́л еси́./ Отону́дуже к святи́тельскому служе́нию при́зван,/ па́ству твою́ во обстоя́ниих го́рьких упа́ствил еси́/ и, во дни гоне́ний му́жески Христа́ пропове́дав,/ му́ченический вене́ц восприя́л еси́./ Моли́ Ми́лостиваго Бо́га// о чту́щих святу́ю па́мять твою́.

Конда́к, глас 6:

Восхва́лим, ве́рнии,/ ди́внаго священному́ченика Мака́рия,/ Ева́нгелия пропове́дника,/ и преда́ний оте́ческих учи́теля./ Той бо у рва сме́ртнаго соу́зники своя́ благослови́/ и о мучи́телех моля́шеся,/ и ны́не, Царю́ ца́рствующих предстоя́,// мо́лит спасти́ся душа́м на́шим.