Тропарь и кондак священноисповеднику Михаилу Союзову

Ме́сяца октября́ в 6-й день
Священноиспове́дника Михаи́ла Сою́зова, пресви́тера

Тропа́рь, глас 2:

Воспои́м, лю́дие, священноиспове́дника Михаи́ла,/ Кроншта́дтскому пра́веднику сослужи́теля и́скренняго/ и святи́телю Вениами́ну сострада́льца ве́рнаго,/ в житии́ свое́м Бо́гу и бли́жнему ре́вностно послужи́вшаго/ и на суди́щи беззако́ннем ве́ру пра́вую небоя́зненно испове́давшаго.// Того́ моли́твами, Христе́ Бо́же, спаси́ ду́ши на́ша.

Конда́к, глас 5:

Любо́вию и милосе́рдием ду́шу свою́ украси́в,/ па́ству твою́ призыва́л еси́ благотвори́ти терпя́щим глад и нищету́,/ и во испове́дание ве́ры, я́ко в броню́ кре́пкую оде́явся,/ пред мучи́тели пра́вду Бо́жию яви́л еси́,/ священноиспове́дниче о́тче Михаи́ле./ Ны́не же Престо́лу Вседержи́телеву предстоя́,// те́пле мо́лишися о душа́х на́ших.