Тропарь и кондак преподобному Далмату Исетскому

Ме́сяца ию́ня в 25-й день
Преподо́бнаго Далма́та Исе́тскаго

Тропа́рь, глас 4:

По́двигом до́брым подвиза́вся,/ посто́м, бде́нием и моли́твою любо́вь Христо́ву стяжа́л еси́,/ чу́дным же заступле́нием Бо́жия Ма́тере/ угро́зы неве́рных нивочто́же вмени́в,/ я́ко свети́ло на тве́рди Небе́сней просия́л еси́,/ преподо́бне о́тче наш Далма́те,// моли́ Христа́ Бо́га спасти́ся душа́м на́шим.

Конда́к, глас 4:

От ю́ности Христа́ возлюби́в,/ су́етная и мирска́я мудрова́ния презре́л еси́,/ му́жески же в пусты́ню всели́вся,/ вся напа́сти вра́жия победи́л еси́/ и до́брый во́ин Христо́в яви́лся еси́./ Помина́й нас, ве́рою чту́щих тя,// Далма́те преблаже́нне.