Тропарь и кондак святым мученикам благоверным князю Симеону и княгине Иулиании Вяземским, Новоторжским

Ме́сяца декабря́ в 21-й день
Святы́х му́ченик благове́рных кня́зя Симео́на и княги́ни
Иулиани́и Вя́земских, Новото́ржских

Тропа́рь, глас 5:

Целому́дренная свята́я дво́ице,/ благове́рнии кня́зие Симео́не и Иулиани́е,/ во дни земна́го жития́ о́браз ве́рности яви́вше,/ друг ко дру́гу любо́вь в сою́зе ми́ра сохрани́ли есте́/ и, от рук беззако́нника смерть прии́мше,/ благослове́нное супру́жество просла́вили есте́./ Ны́не же Престо́лу Бо́жию предстоя́ще,/ помози́те нам во благоче́стии пребыва́ти// и моли́те спасти́ся душа́м на́шим.

Конда́к, глас 4:

Днесь воспои́м, лю́дие,/ благове́рныя страстоте́рпцы и му́ченики,/ достоблаже́нныя Симео́на и Иулиани́ю,/ мно́гими труды́ и благонра́вным житие́м себе́ украси́вшия,/ и да́же до сме́рти ве́рность соблю́дшия./ Тех моли́твами, Христе́ Бо́же,/ Оте́чество на́ше в ми́ре и благоче́стии утверди́// до сконча́ния ве́ка.