Тропарь и кондак мученице Анне Лыкошиной

Ме́сяца сентября́ в 28-й день
Святы́я му́ченицы А́нны Лыко́шиной

Тропа́рь, глас 4:

Благода́ти тезоимени́тая,/ гра́да свята́го Петра́ похвало́,/ на о́стровех Солове́цких у́зы и страда́ния за Христа́ претерпе́вши,/ блаже́нства изгна́нных пра́вды ра́ди прича́стна яви́лася еси́,/ му́ченице сла́вная А́нно,/ моли́ Христа́ Бо́га,// спасти́ся душа́м на́шим.

Конда́к, глас 4:

Дре́вним му́ченицам подража́вши,/ естество́ немощно́е си́лою Бо́жиею укрепи́ла еси́/ и, на страда́ния за Христа́ устреми́вшися,/ черто́га Небе́снаго Жениха́ дости́гла еси́,/ му́ченице А́нно богому́драя,/ ны́не ра́дости Небе́сныя наслажда́ющися,// моли́ о ве́рою и любо́вию чту́щих тя.